(Shkas prononcimi i Hashim Thaqit per konfliktin e vitit 2001 dhe zgjedhjet lokale ne Maqedoni)

I nderuar, lider Ali Ahmeti

E titullova kete leter keshtu dhe kam bindje te thelle se njerezit qe jane ne politike do te me kuptojne drejte, pavaresisht nga ajo se ju si do te me kuptoni. Me vete faktin qe ju shkruaj, ju drejtohem juve, tregoj se sa i “madh” jeni ju, ndersa sa i “vogel” jam une. Ndaj nuk keni nevoje te prononcoheni askundi ne lidhje me kete. Fundja, une kam desht te jetoj dhe te jem shtetas britanez, por me te drejte te mbaj edhe shtetesine e Maqedonise, nese kete nuk ma merr ndonje nga policet e partise suaj. Por, jam thelle i bindur, se identitetin tim shqiptar, te menduarit shqip dhe reintegrimin e shqiptareve ne vlerat kombetare, qofshin ne politike, ekonomi, kulture, sport, etj., duke perjashtuar nga ky koncept integrimin “integralist” te ideologjise suaj, askush nuk mund te ma marr, por jam edhe ne gjendje ta mbroje, jo per karriere politike, jo per aleanca te rrejshme, jo per t’i dhene jete partneritetit iluzor ne Maqedoni, qofte LSDM apo VMRO. Mua, tek e fundit, nuk me duhet lufte te behem lider ne Maqedoni, t’ua prishi rehatin fshatrave shqiptare, t’ua burgosi bijte dhe bijat, por çka eshte edhe me dhimbshme, nuk me duhen deshmore per karrieren time politike ne Maqedoni, perkunder asaj qe une ne kete leter prezentoje nje reintegrim tjeter per shqiptar qe ka mund edhe pa lufte te realizohet ne Maqedoni.

Ju, i nderuar, lider Ali Ahmeti, e dini se kur ka veprime politike nga lideret ne Kosove dhe Shqiperi, gjithçka levize ne Maqedoni, trazohet çdo gje, sikur kafshet dhe insektet kur levizin para momentit te termetit, pasi ata kane nje nuhatje shqisore me te persosur se sa njerezit. Jo rastesisht hazreti Sulejmani, mbreti i Judes, bisedon edhe me bubrrecin, pavaresisht sa i madh ka qene me mbreteri dhe pushtet ky mbret i israileve. Kjo levizje tregon diçka, paralajmeron nje te vertete, por para se gjithash vet verpimi i juaj, ngurrimi per t’u kunderpergjigjur deklaratave te Hashim Thaqit, qofte kur ato mund te mirren edhe si keshilla, deshmon se koncepti i juaj integralist ne Maqedoni eshte vetem pragmatizem, pamflet i qenies me mentalitet defensive ne politike dhe pa baze reale ne proceset integruese globale ne bote. Me nje fjale: ju, i nderuar, z. Ali Ahmeti, jeni i varur nga faktoret politik ne Kosove dhe Shqiperi. D.m.th., edhe ju e pranoni me veprimet e juaja se nuk mund te kete integrime parciale ngase logjika dhe ligjet e natyres e deshmojne te kunderten. Por keto doktrina “humbje kohesh” jane qesharake kur u imponohen shqiptareve ne Maqedoni, pasi qe ata natyralisht ne proceset e reja kane filluar te shijojne frytete e nje reintegrimi tjeter nga ky i juaji. Por, une tani nuk dua ne kete leter te ju informoj me teper per reintegrimin e shqiptareve ne te cilin besoj une dhe shume shqiptare. Sa per hyrje, une ju jap nje shembull: shqiptaret si ne Kosove, Shqiperi, Maqedoni dhe ane e kend botes kane filluar reintegrimin e tyre si shqiptar ta shfaqin permes mediave elektronike dhe internetit, perkunder asaj qe pronaret e tyre kane pengesa nga ujqte e partise suaj, ose kushtezohen (blackmail) per ta pasur ndonje integrist joshqipfoles ne bord, qe eshte ne kundershtim me logjiken e tregut dhe proceseve globalizuese. Kete haraq me se shumti jane ka e paguajne shqiptaret ne Maqedoni… Per aspektin ekonomik do te ju shkruaj nje here tjeter, te ju tregoj se sa i madh jam une, e sa i vogel jeni ju, nga fakti se mua nuk me jane dashtur fondet e shqiptarise per te akomoduar oreksin e jetes sime, pasi jetoj prej djerses sime dhe jam krenar per punen qe e bej…

Eshte fakt, zoteri Ali Ahmeti, se vizita dhe prononcimi i Hashim Thaqit ne Shkup per konfliktin e vitit 2001 nxori ne siperfaqe inatet dhe konspiracionet e interesave miskine te kampit politik shqiptare ne Maqedoni. Derisa opozita, siç eshte rasti me PDSH-ne, qe gjerat tani i sheh vetem bardh dhe zi, nga inati i humbjes se pushtetit nga ju, u perpoqen kesaj vizite t’i japin konotacion politik ne luften partiake kunder jush, te tjeret ndryshe e kuptuan liderin e PDK-se Hashim Thaqi ne Shkup. Ndersa, ju, i nderuar, ne vend qe prononcimin e tij  t’a kuptoni ndryshe nga opozita, ndryshe nga te tjeret, te jeni autokritike, i pergjegjshem dhe te kuptoni drejt mesazhin e demokracise, ju, i nderuar, vrapuat te lidhni aleanca aty per aty, te shkaktoni mjegulle, te mospranoni realaitetin e deshtimeve politike, nenvlersuat edhe konceptin e juaj ideologjik “itnegralist” dhe kerkuat mbeshtetje ke oponentet e Hashim Thaqit ne Kosove. Tani ua perktheje mesazhin e Hashim Thaqit edhe nje here, qe nuk eshte asgje tjeter perveç se perkthim bukfal,  pasqyrim i formules “zbulim i zbuluar” qe per çdo shqiptare eshte e ditur dhe e qarte. Asnje aleance nuk fshihet ne prononcimin e Hashim Thaqit perveç hallit te vertete te shqiptareve ne Maqedoni. A mos valle, ju i nderuar, deshtet qe Hashimi te thote se per te gjitha dukurite negative ne Maqedoni pyetjet e shqiptareve duhet te adresohen ke partia e Arber Xhaferit. Ose, te gjitha anomalite qe kane ndodhur ne kohen tende, duke filluar prej mashtrimeve, maltretimeve policore, kidnapimeve, burgosjeve, ndjekja e ushtareve te ushtrise suaj, duke mos perjashtuar ketu edhe familjet e tyre, pastaj vrasjet qe kur nuk u ndriçuan, mos definimi i statutit te invalideve te luftes, papunesia e madhe e shqiptareve, etj.etj.. – te gjitha keto probleme, qe u krijuan me ardhjen tende ne skenen politike si lider ne Maqedoni, duhet te zgjidhen nga opozita dhe jo pozita. Te mos hutoheni, shqiptaret kane pyetje edhe per opoziten qe deri dje ishte pozite, por pyetjet jane te natyres tjeter, ndoshta keto pyetje ishin edhe nje nga shkaqet e konfliktit te vitit 2001 se shqiptaret nuk durojne arrogancen e te medhenjeve lider ne fillim te shekullit 21…Kete e provoi edhe Berisha, por deshtoi ne vitin 1997. E sheh, i nderuar, se ketu edhe une jam i njejte me prononcimin e Hashim Thaqit.

Ju, i nderuar, lider i BDI-se, per marketing te zgjedhjeve lokale ne Maqedoni, lejuat aktivistet e partise suaj te manipulojne me posteret e Ramush Haradinaj, ne kundershtim me porosine e tij, me idealin e tij se Kosova eshte para Ramushit, kurse ju vet vrapuat ne te njejten kohe te “deshmoni” i pari pafajesine e tij ne Prishtine.  Askush nuk beson se nje veprim i ketille i aktivisteve te partise suaj i ben nder Ramush Haradinajt dhe familjes se tij, pavaresisht nga patriotizmi folklorik primitive ne rruget e Shkupit. Juve edhe nuk ju interesonte shume  Ramush Haradinaj, ngase u munduat te luani nje rol te ndermjetesuesit, rolin e meparshem te Xhaferit, rolin e kryeplakut te fiseve, gjoja se mund te manovroni ne kete rol krahas porosise se Sollanes “se cfare qeverie i duhet Kosoves”, i cili qe ne start ka qene kunder emerimit te Ramush Haradinajt per kryeminister te Kosoves. Kurse, nga ana tjeter, angazhuat ne Maqedoni skoevcat per thyerjen e heshtjes parazgjedhore ne zgjedhjet lokale, duke mbushur webfaqen e juaj ne internet me materiale propagandistike, pastaj shfrytezuat MTV te plasoni fitoren e Hazbi Likes para perfundimit te procesit zgjedhor. Krejt kjo deshmon se demokracia ne Maqedoni edhe pas konfliktit 2001 nen udheheqjen tende eshte kuptuar mbrapshte, kurse mjetet e informimit publik shendrrohen ne kamxhik partiak, edhe ma keq se ne kohen e komunizmit, ne kohen e PPD-se, ne kohen e PDSH-se. Mua me vjen shume keq qe informaten shqiptaret ta marrin nga mediat joshqiptare, nga ata te mesojne per ngjarjet ne vendin e shqiptareve. E ju, i nderuar, si cdo here, ishit ne Prishtine. Buqkovski ne Turqi dhe Cervenkovski ne Israel. Edhe ne shtetet me te zhvilluara demokratike nuk ndodhin vizita zyrtare ne kohen e zgjedhjeve. Kujt u munduat t’ia shitni keto marifete ne Pazar? Do t’i kisha besuar demantit te webfaqes suaj te publikuar nga Drenushi ne internet sikur te mos ishte fotografia e juaj me Bajram Kosumin ne Kosovapress. Pra, ju qendruat ne Prishtine dhe jo siç pretendojne skoevcat e partise suaj ne internet. Eshte shume e vertete se Hashim Thaqi nuk deshti te takohet me ju ne kete moment te mjegullave politike ne Kosove. Por kjo nuk do te thote se aga Abaz dhe Kerçova, strehimorja e heroit tone Nuhi Berisha, i kane dyert e mbyllura ne Kosove. Ama, aga Abaz, i nderuar, e jo Ali Ahmeti ne rolin e babadimrit te vonuar ne Prishtine.

Ju, i nderuar, lider i BDI-se, duhet ta dini se Kosova ka program dhe ka udheheqes qe idealet e UÇK-se te mos zbehen, te mos vihen ne pyetje, pavaresisht spektrit te ndryshem politik atje, dilemat nuk ekzistojne kur ne pyetje eshte pavarsia e Kosoves, ndaj ata nuk kane nevoje per asistencen tuaj integraliste, siç ju e kerkoni prej saj kur jeni ne situata te palakmueshme ne Maqedoni, ose, te them me mire, vetem integristet e partise suaj jetojne me bindje se shqiptaret mund te ndahen ne pro-Hashim dhe pro-Ramush, kurse shqiptaret tjere nuk mendojne keshtu, por edhe ju nuk mendoni keshtu, pasi edhe Hashimi edhe Ramushi kane luftuar nen betimin e amblemes se Ushtrise Çlirimtare te Kosoves per ta larguar policine dhe ushtrine e Serbise nga Kosova dhe per t’i dhene vule proceseve globalizuese boterore  edhe ne kete pjese te Ballkanit. Ata nuk jane shetitur zyreve te Millosheviqit dhe oborreve te kishave te Italise. Kete i madh e i vogel e di ne Kosove, edhe atehere kur nuk votohet partia e Ramushit ose partia e Hashimit. Por, kjo eshte demokracia, percaktimi i qytetareve ne zgjedhje, qe respektohet me te madhe ne Kosove nga te gjithe…

Pra, i nderuar, erdha te percaktimi, qe eshte norma e pare e demokracise, qe buron nga koncepti i lirise per te jetuar i lire, per te zgjedhur ne jete, te quhesh Abaz apo te quhesh Ali, e ju zgjodhet te quheni Ali integralisti, te jeni lider i nje partie, te jeni te zgjedhur, kurse une i lire ne percaktim te zgjedh, te percjelle punen e te zgjedhurve. Keshtu, edhe une e edhe ju, pvaresisht nga percaktimet, para ligjeve duhet te jemi te njejte, me te drejte te japim vetem nje vote. Asgje e keqe ketu. Mirepo, e keqja, ne realitetin e shqiptareve ne Maqedoni, qendron kur qytetareve u mohohet percaktimi, u refuzohet liria per te zgjedhur, mbushen kutit e votimeve, genjeshtra shitet si e vertete, mjetet e informimit publik shqip behen prone e partise ne pushtet dhe qytetaret mbeten ne terr informativ. Provohet edhe me e keqja, verdikti i shqiptareve neper fshatra shitet TOPTAN si ne kohen e Ali Babes ne Bagdad. Kjo keshtu ka filluar te ndodhe ne kohen e Alitit, ka vazhduar dhe eshte profesionalizuar ne kohen e Xhaferit, kurse tani, ne kohen tende, po legjitimohet, perkunder “idealit” dhe luftes qe ju e zhvilluat per “liri dhe te drejta me te medha” per shqiptaret ne Maqedoni.

Doren ne zemer, zoteri Ali Ahmeti, nuk eshte edhe krejt zi, keq. Do te jem i marre nese nuk e pranoj se ka edhe aspekte positive me ardhjen e juaj si lider, por ju duhet te beni edhe me shume. Nuk do te thote se ne te gjitha zonat shqiptare veprohet keshtu ne zgjedhje. Nuk veprohet keshtu atje ku ka zene rrenje vetedija kombetare, kultura dhe shkollimi, ku primare eshte shkenca, dija dhe puna. Atje e paten kot edhe Aliti, edhe Xhaferi, por edhe ju do ta keni kot nese e provoni. Une ne kete shkrim e kam fjalen per malesine e Sharrit, per nje pjese te Kumanoves, rrethin e Shkupit dhe per disa lagje te getoizuara shqiptare ne Shkup. E kam fjalen per zonat ku varferia po merr haraqin e vet, ku shkenca dhe puna jane vetem enderr e parealizuar, ku vetedija e shendosh kombetare, percaktimet demokratike dhe proceset globale nuk jane terminologji e fjalorit te perditshem, ne vend te gjithe ketyre perdoret feja e mullahave dhe qullahave, abuzohet nena dhe femija, frikesohet dhe kercenohet personeli edukativo-arsimor, votohet edhe per te vdekurit dhe krejt kjo llakerdi shitet TopTan nga mullahi ose qullahi, qe ne kohen e kralit kane qene ne saff te pare, ne kohen e Titos ne saff te pare, ne demokracine e Alitit dhe Xhaferit vazhduan prape te jene ne saff te pare, e po keshtu edhe ne kohen tende. Ky fenomen dhe kjo fe e mullahave dhe qullahave behet lehte servile e partise ne pushtet, ndersa ata te pushtetit e preferojne kete fe per shkak se manipulimi dhe instrumentalizimi i mullahave dhe qullahave behet veresi ne emer te nje premtimi “udhetimi” per visen false ne xhenet.

Dhe, ne fund, i nderuar, ta kam drejtuar kete leter me shprese se ju keni rastin te kapni trenin e fundit, keni nje shanse historike, jo vetem te nenshkruani kode te marreveshjeve per zgjedhje te drejta dhe te lira, por edhe te mos e pranoni fene e mullahave dhe qullahave, qe deri dje ishin servilet e atyre qe ishin para jush ne pushtet. Ju takon tani juve, ne vend qe te shkoni e te mirreni me “big politics” ne Prishtine, te merrni Xhaferin per dore dhe te dilni ne teren per çka edhe jeni zgjedhur, te ndalni kete dukuri negative, te ndalni votat TopTan dhe grindjet e panevojshme, te betoheni se do te mbroni te drejtat e gruas shqiptare ne percaktim, te mos behemi objekt per te huajt se nuk e kuptojme demokracine drejte, premtoni se do te zhdukni bashkarisht varferine, analfabetizmin, te ngritni nivelin edukativo-arsimor,  duke ofruar sende te kapshme, vende pune, plasmane per shitjen e prodhimeve te bujqeve shqiptare, ose te gjeni fonde per stimulimin e fermereve shqiptar, te hartoni plane per zhvillim dhe jo te mirreni me hallet e Kosoves, se askush nga Kosova nuk ju ka votuar, nuk ju ka zgjedhur. Por edhe nuk kane nevoje.  Ne te kunderten, edhe ju nuk do ta keni larg, njejte si ish komandanti, e te deklaroni:”Si eshte e mundur ne lagjen time, une mbeta me 300 vota, ku shumica jane shqiptare, kurse Trifun Kostovski me 3000 vota.” Kjo duhet te na shqetesoje te gjitheve? Vendonie gishtin ne koke, para se te merrni ndonje pergjegjesi!

Musa Lamallari,

15. 03. 2005

Koment ju mund te shkruani ne Forum, duke klikuar ketu!

Albanian Homepage Shkupi